Xull 11 2006
Nacido o 11 de xullo
Empecei isto vai hoxe un ano. Por varias razóns, entre elas ter localizado o material opinativo que facía e levalo a máis público do que le a concreta prensa escrita. A maiores destas variantes da vaidade, isto comezou tamén como un intento ou autoescusa de trasladar o estilo blog á prensa escrita e así currar menos. Evidentemente, saíume o tiro pola culata, e incumprín unha das normas do decablog que Varela deixou dito unha vez, sen que logo poidese localizalo. Incumpro tamén outras como non visitar as leiras dos colegas tanto como debería e merecen, e de non ser tan aventureiro como fun á hora de descubrir máis cibermundos. Así podería actualizar e ampliar os links recomendados…
Tamén crebo outra regra que é mirar de máis as estatísticas. Van case 50.000 visitas, algunhas de lugares tan insólitos como Chipre, Estonia, Exipto, China e Irak (?), e gustame conxecturar quen será o asiduo que se conecta desde Trondheim (Noruega) e quen traballará nunha compañía de augas británica. Pero descubrin eso que nas clases de xornalismo chamaban feedback e logo mutou ó algo pretencioso e mutiaplicable concepto de interactividade. É decir, os comentantes habituais. A risco de esquecer algúns, desde o Subcomediante H, todonada, o ollodavaca ou Kate, que foron dos primeiros, a Alfonso Pardo e Bruñulf, dos máis novos. Desde o troll eSedidió (que resultou ser un ganapán que coñecía de vello), ó incansable Míguez, ou ó certeiro Mourullo (estaba a punto de convocar unha xornada monotemática sobre Quen é Mourullo? ata que opaco descubriu que non era un ser humano, senón un bot. A algúns, como a Pawley ou a torredebabel, coñecinos logo en persoa. A outros, ánzony , Suso Lista, xa os coñecía. Eles –vostedes-, el niño de la guía, Ghanito, Berto, Nemeth, o altibaixista Galeidoscopio, o atinado Willy Sifones, yeye, folerpa, e… dánme o mellor que pode ter un escribidor, respostas (1.630 ata hoxe), e téntanme a romper outra norma: facer unha quedada para expresarlles o meu recoñecemento. De momento, este post (o número 233) é o xeito de facelo, ós citados e sobre todo ós que non (que teñen abaixo o email de aludidos, ou neste caso, elididos).
——- Paren as máquinas.- Acabo de botar un ollo ó faiado, resulta que o cumpreanos non é hoxe 11 de xullo, senón que debeu ser o 9 de xuño, como me debería ter acordado porque estabamos en campaña electoral… iso pásame por fiarme das estatísticas…
o 11 de Xullo, 2006 ás 5:28 pm
Hummm… iso de troll non será un cumplido, non? En calquera caso, parabéns, alpabarda.
o 11 de Xullo, 2006 ás 6:28 pm
Parabéns polo primeiro ano, Vazquez marchou, non nos deixe vostede
o 11 de Xullo, 2006 ás 8:11 pm
Ghracias a ti por “desleitarnos” ca tua magnífica visión do invisible. E sighe así. Bicos e machetazos, je je
o 11 de Xullo, 2006 ás 10:24 pm
moitos parabéns ultramarinos! e non se sinta só que vostede traballa mais escribindo e nós lendo. E xa se sabe que mal de moitos…
o 12 de Xullo, 2006 ás 4:53 am
O aniversario de sihomesi
11 de xullo? 9 de xuño? O periodista Xosé Manuel Pereiro fai reconto da súa experiencia neste primeiro ano como blogueiro.
o 12 de Xullo, 2006 ás 10:29 am
Parabéns.
A todo isto, sabe vostede algo da “censura” da Voz a Ignacio Ramonet e Ramón Chao? E vostedes?
o 12 de Xullo, 2006 ás 10:42 am
Non, pero a ver se me entero cando volva ó choio, que agora só entendo de toallas, protección 40 e eses apaixoantes asuntos.
o 12 de Xullo, 2006 ás 10:46 am
Parabéns
o 12 de Xullo, 2006 ás 10:54 am
… como os teclados, gha, gha, gha. Como eu fai anos que non o vexo (inauguración dunha autoestrada e, tempo antes, no Tralla material na beira do mar, dous pintorescos escenarios, por certo), antes de pisar a area pásese por Mi vida como un chino e bótelle un vistazo ao vídeo do post “Una, grande y china”. Éche ben coñeiro e seguro que lle fai gracia.
o 12 de Xullo, 2006 ás 11:02 am
Errei: o título do post é “Un verano cara al sol”.
o 12 de Xullo, 2006 ás 11:10 am
Algo nos dará, Sr. Pereiro, para que teimemos en voltar pola súa, un día sí e outro tamén. Siga así, si home si.
o 12 de Xullo, 2006 ás 2:01 pm
Parabéns sHs! Como ben retrucaban Chamantriste e Míguez somos unha parroquia,non sei se do tipo da aldea do meu pai ou tipo new age,desas que tan ben describe o xenial Houellbecq.(Inda que vostede non teña tanta guita como o Robertson,que non o sei)
Máis devoción ó apóstolo e a sHs
o 12 de Xullo, 2006 ás 3:20 pm
Sr. Pardo, decátase vostede que nesta leira somos os unicos que aparecemos co nome en branco e negro. E todo por non termos un blog, o que non deixa de ser un trato claramente discriminatorio. Eu tamén quero saír en coloríns.
Asdo. eSedidió (Presidente-fundador de CDPSB, Cidadáns Decentes Pero Sen Blog)
o 12 de Xullo, 2006 ás 3:35 pm
Parabéns meu benquerido si home si
o 12 de Xullo, 2006 ás 6:15 pm
A Bruñulf, xa que pasei, lin os dous e os dous son tan coñeros como adiantan os execelentes títulos.
Pardo: lamento ignorar quen é Robertson, pero estou disposto a apostar os cartos que non teño que son alomenos unha centésima parte menos rico ca el.
A Folerpa: perdón pola omisión.
Se eSedidió et altri: este xa é o seu blog, e queren facer post e todo, mándenmos que os enchufo (se non contradin a liña editorial, que nesas cousas eu sempre fun moi estricto)
o 12 de Xullo, 2006 ás 7:34 pm
Obrigado, Pereiro. E qué fermoso: “este xa é o seu blog”.
o 12 de Xullo, 2006 ás 7:37 pm
A todo isto, e citando aos clásicos, teño que recoñecer que eu vin dar aquí por recomendación de Alfonso Pardo, asiduo de Mi vida como un chino e ilustre comentarista. Como di miña nai, hai que repartir (polo de comprar nunha tenda e naquela outra, porque todos son veciños, etecé, etecé).
o 12 de Xullo, 2006 ás 9:34 pm
Sin perxuízo do que dí o Sr. Pereiro, estimado eSedidió, tamén pode poñer o seu nome en vermello co simple feito de escribir calquera cousa no campo URI, da identificación do comentarista. Sexa prudente co que escribe porque se vai ler ó poñer o punteiro sobre o seu flamante nome en vermello. Probe, probe (ou probe na miña, si prefiere non andar a enredar na do Sr. Pereiro).
o 13 de Xullo, 2006 ás 4:33 am
hehe… non me dea ideas, Sr. Miguez, que coñezo un par de paxinas moi xugosas que farían poñerse colorado a belcebú…
En canto ao outro, moitas gracias, Sr. sHs, non esperaba menos, tendo en conta o agarimoso dos seus epitetos, pero deus lle da a cada un os seus dones. E xa ve: vostede saíu listo e eu ghuapo
o 13 de Xullo, 2006 ás 4:57 am
felicitalo por estes lares que tan ben aviados mantén vostede:
parabéns
o 13 de Xullo, 2006 ás 8:15 am
Sr eSedidió:decatárame,decatárame.Vostede sempre tan modesto.Non o comentei porque a min dábame vergoña iso de ser un ninguén virtual sen leiras,prado ou monte no ciberespacio.Agora temos que estar ledos xa que sHs estanos a acoller con tanta xenerosidade e podemos ser cibercaseiros.Vivan os CDPSB!
PD-Xa saben,a ver se o PP”de Galicia”manifesta o seu apoio a admisión polo Parlamento Europeo das cartas en galego,castelán e noutras 20 linguas igualmente civilizadas.Pregunten,pregunten…
daniel.varelasuances-carpegna@europarl.europa.eu
o 16 de Xullo, 2006 ás 12:54 pm
Un magnífico ano de trece meses, abofé que si. Eu de maior quero escribir coma você!
o 17 de Xullo, 2006 ás 9:35 am
O alcume de altibaixista que se me atribúe, suponho que terá relación co burro esixido (que diria Arsenio Iglesias) do post anterior de anuncio das vacacións.
En canto à suposta censura da Voz da Franquícia sobre a que pregunta Matías Bruñulf, penso que non é mais que un simple desprazamento da cizanha manifestante.
Saúde e coidado coas do centenário e mais cos das pistolas na estrada.
o 18 de Xullo, 2006 ás 9:27 am
parabéns, que saiba que no faro de vigo lemos en papel os seus posts en diferido dous días despois de lelos aquí, en rigoroso directo
o 18 de Xullo, 2006 ás 5:21 pm
Gracias polo aviso a Galeidoscopio, e polos parabéns a Willy, pero os post-post escritos no FARO non sempre son os mesmos post de aquí. De entrada, é un por semana, hai veces que son un mix de dous, nalgunha ocasión son inéditos, e como teño máis tempo para facelos, están retocados… Pero alégrome que se sinta bombardeado por terra, mar e aire
o 19 de Xullo, 2006 ás 8:25 am
Moitos parabéns! Siga escribindo que o estarei vixiando de vez en cando (agora non teño moito tempo para comentar, por iso non aparezo moito por aquí, pero non o perdo de vista)