Out 28 2007
Non hai vida fóra de Youtube
Había tempo en que no se vía unha mostra tan patente do ruín que pode chegar a ser o animal humano. Quitado os que veñan de facer unha marea no Índico ou se acaben de recuperar felizmente dun estado de coma, saberán que me estou a referir a esa famosa gravación do cercanías catalán no que un energúmeno a emprende cunha rapaza porque lle petou, porque o mirou, porque era inmigrante, ou nena, ou por todo á vez. Falo de ruín e non de maldade ou de crueldade, porque ata para facer mal hai que saber e poder. E falo do que produciu a gravación, e non soamente do feito gravado, porque tan miserable foi o que pasou como o que está pasando.
