si home si

• Home
• Arquivos

9 comentarios a “Sargadelos”

1. eSedidió dixo:
   o 31 de Xaneiro, 2008 ás 5:36 pm

   Eu tampouco sei que ten a razón nos preitos empresariais do grupo, nen moito menos á que lle van dar a razón os tribunais, que non sempre ven sendo o mesmo. O que si que sei, en carne propia, é da capacidade de algúns ex-amigos de transmutárense en tiburóns en canto cheiran a pasta fresca no seo dunha empresa. Por esa razón, e porque o Grupo Sargadelos nunca foi concibido como unha fábrica de parafusos, seguirei amosando a miña solidariedade co vello D. Isaac sempre e onde poda, non volverei a comprar peza algunha desa marca, procurarei que os meus achegados fagan o mesmo e non lle tirarei os alfileres ao boneco de vudú da sra. YC que teño enriba da miña tele.
   PS. Eu tampouco teño o banner dichoso na páxina da miña empresa, maiormente porque non o dou posto.

2. alvarez dixo:
   o 31 de Xaneiro, 2008 ás 7:08 pm

   Xa fai moitos anos lein unhas declaracións do vello que co tempo formaron parte do meu, digamos, “pensamento”: Viña a decir que canda noviño era dun grupo esquerdista e que miraba o seu pai cos seus amigos (a xeneración de ouro desta nación: Castelao, Casas,…) e pensaba que eran unha panda de burgueses dereitosos acomodados que non facian nada para liberar Galicia. Cando nos meses seguientes campeou o sangue e a misería na nosa terra, decatouse de os enemigos sabian realmente quenes eran os verdadeiramente peligrosos e desgraciadamente viu como se cebaron neles sen piedade.
   O que nunca din entendido nel é que un home con esa claridade intelectual apoiase reiteradamente e ate a sua última eleción o actual embaixador no Vaticano.

   De todolos xeitos o que levantamos os humanos a nivel individual (e iste home xuntou demasiado tempo o seu nome a sua empresa), por moi bo e grande que sexa, son castelos de area que mais tarde ou mais cedo desfanse.

3. xaquin dixo:
   o 1 de Febreiro, 2008 ás 12:38 am

   A un o destripan por afrancesado e a outro o xubilan por galeguista. Siousí? Era un inglés quen dixo eso de que nesta terra lévase moito o “to be”, pero máis na súa acepción de “estar”?

4. Alfonso Pardo dixo:
   o 2 de Febreiro, 2008 ás 3:40 pm

   Chegar ós 90 anos e que che sigan chamando patrón é unha cousa que seica ten sempre moitos apetecedores.Que llo digan a D.Manuel,que se non é polo Prestige,tería demostrado que Galicia,non como os USA,é un país para vellos.
   Aínda por riba os galegos non damos superado o individualismo,non somos quen de artellar accións colectivas e así non hai xeito de montar empresas.
   Para ir dereitiño ó conto,podería alguén contarme en que mudou a ideoloxía ou a xestión de Sargadelos?.Como eu non estou no mexunxe cultural do país, só vin que abriron unha tenda na Coruña e que os cacharros siguen sendo bonitos.E que colleron a YC como relacións públicas da tenda.Se Porcelanosa ten á Preysler…Home,a min(e seguro que tamén a eSedidió),se me deran a escollere,escollería a Carla Bruni.Mágoa que estea xa ó servizo da République e que ,case seguro,non teña moito trato coa cultura galega.(Aínda que a min tanto me ten,Carla)

   ¿Non sería mellor aplicar unha moratoria ó boicot do compañeiro eSedidió e ver como vai indo Sargadelos?Polo de agora eu seguirei mercando Sargadelos e non Lladró,máis que nada porque é máis bonito.Claro que si Carla Bruni sacara artesanía propia,aí xa non respondo…..

5. David Vázquez dixo:
   o 4 de Febreiro, 2008 ás 7:23 pm

   Pois a min paréceme que estamos antes figuras nídiamente galegas, con comportamentos tan tradicionalmente galegos, dos que nos levaron históricamente á ruina. Trátase do Petrucio e dos herdeiros. O Petrucio, ao chegar a idade de xubilarse, vai enlíando aos herdeiros: unha vez parece que serás ti o da millora, outra que será outro e así ata que o enlía todo, cabreados a todos e a herdanza remata mal en calqueira man. Nestes lances, o Petrucio vai perdendo creto diante da parroquia, pero él xa está vello para ver outra cousa. E os herdeiros, se sempre foron subalternos, faltos de miras e formación que estea á altura do proxecto de aquel, actuarán como tales. Asi pasou no campo galego durante séculos. Non digo que o caso de Díaz Pardo e a nomenklatura (non coñezo a ningún) que o está a apartar sexa unha fotocopia do que acabo de contar, pero a min seméllaseme muito. Saber testar ben e en tempo, non parece cousa doada. Exemplos, non faltan.

6. Anton Pinto dixo:
   o 9 de Febreiro, 2008 ás 1:03 pm

   Home…a cousa non funciona moi ben que digamos…¿Cantos empregados se estan prexuvilando? Andres Varela entre eles…Os resultados economicos son de perdas….cerranse tendas….e os fichaxes de deseñadores presentados a bombo e platillo, son de cachondeo, e nada ou moi pouco teñen que ver co produción…no referente a “Poetisa” non era aquela que abrazaba a Diaz Pardo en Santiago cando empezou esto? craro que chaqueteiros-as nesta terra temolos a esgallo.

7. Leco dixo:
   o 17 de Febreiro, 2008 ás 12:15 am

   É difícil estar más de acordo con vostede do que estou.

8. sihomesi dixo:
   o 17 de Febreiro, 2008 ás 1:45 am

   Agradécese, porque as veces nin eu estou demasiado de acordo conmigo.

9. Ruxerruxe dixo:
   o 21 de Febreiro, 2008 ás 1:29 pm

   A min paréceme que Díaz Pardo está a montar un barullo que non ten moito que ver coa realidade. Supoño que para defender o seu, i está no seu dereito, pero eu tampouco vexo por ningures aos asasinos, criminais e feroces capitalistas dos que fala en todos os Medios. Mais ben, semella que, nos derradeiros anos, adicouse máis as súas cousas que a xestionar a empresa, e vai ser que os seus socios, que levan toda a vida traballando con el, se cadra dixéronlle que habería que ir cavilando un pouquiño máis no século XXI e un chisco menos na memoria histórica, que está moi ben, pero non dará de comer. ¿Non?

Deixa un comentario