Arquivo Setembro 29th, 2008
Arriba e abaixo, de Wall Street á estación de Portas
“As cousas sempre foron así, e seguirán sendo. Sempre haberá ricos e pobres”. Que levante o dedo quen, de pequeno, non teña escoitado dos vellos esta admonición. Logo dedicas a mocidade -os que teñen corazón como dicía Winston Churchill- a tentar demostrar que non é así, ou a axudar a que non sexa así. De maiores -aqueles que teñen cabeza, sempre segundo sir Winston- aceptan que é así, e mesmo algúns se aplican a que non deixe de selo. Eu son dos que teño pouca cabeza, e a que conservo estrañase moito de cousas como Wall Street, as autoestradas e as vías do tren.
