Arquivo do tag ‘Aznar’
O pensamento John Cobra-Aznar
Farto, é que me teñen farto. A Rosita la lideresa Pepis tócalle pasado mañá, que non se dá abasto.
“Cordialmente, José María Aznar”
Unha hora co líder de Occidente
O perdón do ‘Prestige’
Non sei a experiencia que teñen vostedes en sentencias xudiciais. Espero polo seu ben que pouca. Eu teño algunha, porque por razóns profesionais hai que ler de todo, e para min son unha das probas da existencia dos mundos paralelos, ou como moito tanxentes. Unhas máis ca outras, claro. O que normalmente se entende delas -en ocasións o único que se entende-, é a parte que comeza “Resolvemos” que vén sendo como dicir “Acabáramos”. Do asunto do Prestige, do único que zafei foi precisamente da instrución do sumario xudicial, circunstancia que agradezo, así que non lles podo dicir a miña opinión, caso de que lles interesara, sobre a xusteza ou xustiza do auto do xulgado de Corcubión no que exculpa ó daquela director da Mariña Mercante, José Luis López Sors, e polo tanto ó Ministerio de Fomento, e no fondo, ó Estado. Que fixeron ben, vamos, mandando o petroleiro ó quinto pino.
