A verdade, cada día se esmeran menos. Non quero pensar que é porque non lles fai falta.
Feijoo saca un coello
15 Xoves Mar 2012
Publicado en El País
Arquivo por etiquetas: corrupción
Todos somos Urdangarin
09 Venres Mar 2012
Publicado en Si home si
Etiquetas
Uns máis que outros, e quizais algún case nada, pero todos somos Urdangarín. Non todos somos así de altos e ben plantados, non todos fomos uns ases do deporte, non todos demos feito unha carreira, e menos unha carreira nun sitio fino, e non todos casamos tan ben. Pero iso son cousas accesorias. Porque poñendo a man no peito, ou no peto, quen non faría presuntamente algo parecido ao que el presuntamente fixo, de verse no caso? Ou sexa, aproveitarse de ser quen era e quen é? (non poño presuntamente porque ese posto que tiña en Telefónica déronllo polo que llo deron) Isto non quere dicir que estea avogando pola súa inocencia, ou pedindo clemencia no caso de que o condenen. Pero quero dicir que o que presuntamente fixo é algo que cadra na idiosincrasia española.
Non, pero si. Si, pero non
23 Mércores Nov 2011
Publicado en Si home si
Non son moi de ciclismo, pero fíome dos colegas que si o son é que están indignados coa sanción a Ezequiel Mosquera por presunta dopaxe. Ao corredor de Teo detectáranlle algo que serve para ocultar substancias prohibidas, e que non é ilegal tomar, pero si inxectar, e non está probado que se pinchara. E peor que unha decisión inxusta é unha decisión discriminatoria. A Mosquera non lle probaron nada, pero sanciónano, mentres a outros atopáronllo, pero de momento non os sancionan. Ou como di un deportivo madrileño: “la reciente sanción a Mosquera no va a ayudar a Contador”. Iso pásalle a Ezequiel por meterse a ciclista, en vez de meterse alcalde. Desde que medrei neste choio, nas contadísimas ocasións en que a xustiza condena a algún edil, e non por irregularidades menores, sempre escoitei a mesma desculpa: son moi poucos os malos en relación a tantos bos como hai. É unha escusa un tanto necia (porque iso tamén se pode dicir dos que rouban nas esquinas, coa diferenza de que os das esquinas non son cargos públicos) pero é certa. É máis, son poucos os que delinquen (nos despachos, non nas esquinas) tendo en conta o fácil que é, e as escasas consecuencias que ten.
Acoso e Dorribo
23 Domingo Out 2011
Publicado en El País
Etiquetas
Unha cousa que me desacouga: a cantidade de políticos que retuiteron esta columna.
Era visto (o de Oslo e o de Valencia)
30 Sábado Xul 2011
Publicado en Si home si
Etiquetas
Na casa téñenme prohibido dicir “xa cho dixen”, pero de momento, as normas non inclúen o impersoal, así que, amigos e amigas, era visto. Era visto o de Oslo, e era visto o de Valencia. E o que me chama a atención era que, véndose, soamente se diga agora, cando non queda outra que laiarse.
Seguir lendo »
Orquesta Carioca
24 Domingo Abr 2011
Publicado en El País
Etiquetas
Pasos adiante da clase política perante o abismo da falta de credibilidade. (A miña diatriba quincenal, posteada con retraso).
Operación Charanga
20 Mércores Abr 2011
Publicado en Si home si
Etiquetas
A boa novela negra describe sempre mellor á sociedade na que transcorre que calquera outro xénero literario ou periodístico, porque conta o que pasa onde non hai focos. Por iso mesmo, o máis relevante das informacións sobre corruptelas son –ademais de sacar á luz os feitos e os métodos– son as conversas entre os implicados. Para quen queira saber a triste realidade da relación entre moitas institucións e a sociedade á que teoricamente serven, nada mellor que seguir ao detalle a chamada Operación Orquesta, esa trama de presunta corrupción na Costa da Morte.
Seguir lendo »
Quen teme ao alcalde feroz?
10 Xoves Feb 2011
Publicado en El País
Etiquetas
Homilía quincenal sobre o feito diferencial local
¡Como está o servizo!
02 Xoves Dec 2010
Publicado en El País
Etiquetas
De Wikileaks ao alcalde de Cerceda pasando polo manifesto dos empresarios, na miña homilía quincenal.
Por certo, gracias a Costa da Morte, ao que se lle ocorreu a comparación entre o manifesto TransformaEspaña e o de Primo de Rivera, que incluía esta brillante frase que suprimiron ao editar a columna (coma sempre, paseime na extensión):
“Este movimiento es de hombres: el que no sienta la masculinidad completamente caracterizada, que espere en un rincón, sin perturbar los días buenos que para la patria preparamos”
A importancia da educación
08 Sábado Mai 2010
Publicado en Si home si
Etiquetas
Miren que nos teñen insistido a todos no de seren educados. Incluso a algúns lles repetían mantras tipo: “educación y buenos modales abren puertas principales”. Pero escoitando na intimidade aos nosos próceres, dá a impresión de que iso da educación e os modais é outra desas lendas urbanas maternas como a de ter que agardar dúas horas despois de comer para facer a dixestión e poder bañarse. E falo dos modais por non falar das pintas. Como combinar a vixencia daqueles consellos maternos de ir sempre coa muda limpa por se tiñamos un accidente coa existencia de personaxes populares reverenciados polas masas como Belén Esteban, Isabel Pantoja (ou Cachuli, para que non me acusen de misóxino)?
