Etiquetas
amnistía fiscal, Bárcenas, corrupción, corrupción económica, financiación ilegal, Hacienda, paraísos fiscaiis, PP, Suíza
“La prisionera de Hacienda”. Nun dos primeiros libros de estilo que usei, esta era das poucas excepcións que se aceptaban á norma de non parafrasear títulos de novelas ou películas para titular reportaxes. Referíase a Lola Flores, sacrificada nos tribunais polos primeiros gobernos de Felipe González como vítima propiciatoria para que a sociedade vise que o de Facenda ía en serio. Se trababa nun símbolo de España como Lola, ninguén estaba a salvo, era a mensaxe a unha sociedade que viña da fiscalidade franquista, na que aos empregados lles descontaban a parte que lle tocaba, e o resto pagaba o que calculaba que colaba, a ollo, ou o que lle petaba. Polo que se ve, e como confirma o asunto Bárcenas, nisto tamén seguimos igual ca antes.
