si home si

(by appointment Alfredo&Tati)

Hai días, remexendo papeis na casa familiar procurando outra cousa, atopei un cuestionario que lle mandara de rapaz, xa non lembro para que, ou mellor dito para ónde, a Uxío Novoneyra, co que daquela tiña amizade bastante para que me perdoara cousas como os erros de imprenta que se me escaparon cando deseñei os Poemas caligráficos que publicou na colección Cadernos da Gadaña de Brais Pinto. Atopei o cuestionario, que tiña tan esquecido como a súa finalidade, e as respostas, escritas coa aquela letra súa, grandeira coma el. Non atopei, e delas si teño memoria, as fotos que nos fixera Xurxo Lobato nunha noite de frío e viño en Lugo. O do achado de papeis parece un recurso estilístico para abarloarme ao Día das Letras, pero non o é.

Lee o resto deste post »

Quéixase Jaureguizar de que “ningún medio de Madrid ou Barcelona publica nada sobre un autor galego e ningunha institución chama a un autor galego para un acto de quitado os dous de sempre”. Un día despois, BABELIA publica un dispendio dedicado ó tema no que inclúe -ademais a de Jaure como esencial- a entrevista menos traballosa e máis satisfactoria da miña vida profesional recente, ou unha delas. Para que logo algúns digan que as eleccións non valen para nada