Category Archives: Matrix Press

Toleranciómetro

22 Xoves Xan 2015

Posted by in Matrix Press, Non sei eu..., Si home si

≈ 3 Comentarios

Etiquetas

, , ,

Esta imaxe ten aspecto de termómetro, e tamén mide. Non a temperatura, pero si evidencia, ao meu entender, o grao de tolerancia real da sociedade española. Polo menos da sociedade española que ten conexión a internet e unha certa preocupación por estar ao tanto do que pasa. Non quero sacar conclusións sobre o resto.

Cheguen ás súas propias, ou non, pero miren isto (fíxense nos comentarios, e sobre de todo, na aporbación ou rechazo que suscitan), porque a columna deste sábado 24 en La Opinión de A Coruña vai ir máis ou menos por aí. El deber diario

As secuelas de Charlie Hebdo

20 Martes Xan 2015

Posted by in Matrix Press, Res Publica, Si home si

≈ Deixar un comentario

Etiquetas

, , , , , ,

En pouco máis dunha semana, o de Charlie Hebdo pasou a ser dun suceso a motivo dun debate sobre a liberdade de expresión, que algo bo tiña que ter. Iso e as dúas cuncas de caldo que levaron os asasinos, que saíron da redacción berrando “Matamos a Charlie Hebdo” e conseguiron que unha revista que tiraba 50.000 exemplares publicase tres millóns do número seguinte e se esgotase. Parte do mérito –do debate- está na cuadrilla de farsantes de alto rango que acudiron a dar o seu testemuño de solidariedade e de compromiso coa liberdade de expresión manifestándose. Xoias de dirixentes como Benjamin Netanyahu, o primeiro ministro dun país Israel, que ten a dubidosa honra ser o segundo, despois de Siria, no número de xornalistas mortos (7 en Gaza). Tamén estaban os dirixentes do país que máis periodistas encarcera, Turquía, onde en marzo pasado se chegou a prohibir Twitter e YouTube (tamén estaba o presidente do segundo clasificado, Bahrein). E desfilou o primeiro ministro húngaro, Viktor Orban, que axeitou todas as leis como lle conviña, ata o punto que mesmo os EEUU denunciaron un retroceso nos dereitos humanos. Entre outras reformas, anulou a posibilidade de reclamar legalmente que se publiquen informacións sobre o uso de fondos públicos.

Seguir lendo →

Todos deberiamos ser Charlie

20 Martes Xan 2015

Posted by in Matrix Press, Si home si

≈ 2 Comentarios

Etiquetas

, , , ,

Je suis Charlie, a frase máis estendida nas últimas horas no mundo, repetida na súa grafía e no seu idioma orixinal, ou adaptada a linguas e caracteres, ocorréuselle cando soubo do asalto á redacción de Charlie Hebdo a Joachim Roncin, de 39 anos. Joachim estaba naquel intre noutra redacción de París, na dunha revista gratuíta de estilo, na é deseñador gráfico e puxo ese berro de solidariedade na súa conta de Twitter, que entón tiña só uns 500 seguidores. Je suis CharlieAs redes sociais, a súa onda expansiva e a súa capacidade de facernos crer que hai alguén ao outro lado, fixeron o resto. Neste caso haino, porque ante un horror así, calquera persoa con medio gramo de dignidade, xornalista, fontaneiro ou calafate de buques, debe sentir dor polas vítimas, e proclamar a súa solidariedade co medio agredido.    Seguir lendo →

Jimmy

20 Martes Xan 2015

Posted by in Matrix Press, Si home si

≈ Deixar un comentario

Etiquetas

, , , , , , ,

A chamada xente do fútbol, é dicir, os dirixentes dos distintos estamentos, non os afeccionados, están a ver como expulsan aos violentos dos estadios. Xa era hora, e deséxolles o mellor dos resultados. Nalgún sitio conseguírono, ou sexa que debe ser posible, igual que noutros sitios deron acabado coa impunidade en asuntos de corrupción. Desde logo, como non o van conseguir é polo método que utilizaron ata agora, o das misses e as celebridades que desexan paz en el mundo. Porque o que noutras partes, como no Reino Unido funcionou, como prohibir a entrada nos campos aos elementos perigosos, aquí xa se fixo por orde xudicial, e como se chovera. De todas formas, ten gracia —a pouca gracias que pode haber neste caso— que nas instancias onde se piden estas cousas o resto do ano se prendan piras para queimar rivais e o que faga falta para subir a audiencia e incrementar o negocio.

Seguir lendo →

A culpa foi do barco e agora da enfermeira  

15 Luns Dec 2014

Posted by in Matrix Press, Si home si

≈ Deixar un comentario

Etiquetas

, , , ,

Lamento de entrada non estar de humor. De verdade que desfruto quitándolle ferro ás cousas sen por iso despoxalas do aguillón que deben ter —senón, para que escribimos?—. Pero no caso da auxiliar de enfermería contaxiada de Ébola non podo. Nin humor, nin aguillón, nin farrapos de gaita. Como escribía o xornalista P.J. O’Rourke da Filipinas da ditadura, “aquí nada de ‘a situación é moi complexa’. Dan ganas de cravar a Ferdinand Marcos polas orellas ao parachoques dunha furgoneta a arrastralo polas rúas de Manila”. Eu nunca estiven na Manila da ditadura, pero O’Rourke tampouco está no Madrid disto que temos agora, un réxime político que a definición que mellor lle acae é unha demodura, unha democracia que rima con varias cousas, entre elas caradura.

Seguir lendo →

Grazas pola influencia

02 Venres Mai 2014

Posted by in Matrix Press, Non sei eu...

≈ 5 Comentarios

Etiquetas

, , , , ,

Nunha semana que outros asuntos fixeron non moi agradable, souben grazas a Isabel San Juan @dobracom que encabezo a listaxe de periodistas galegos máis influintes nas redes sociais.

Ranking xornalistas galegos Eu non creo nestas cousas, e menos crin nesta ao botar un ollo e ver os que non estaban os primeiros nin de segundos, e pensei que ía recibir un mail ou un DM pedíndome algo. Non obstante, Ion Antolín @ionantolin díxome que era unha clasificación feita segundo interaccións medidas cuns algoritmos que ten en marcha un coñecido seu, José del Moral @jamoral desde 2005 nunha organización de social ranking chamada Alianzo. Ou sexa que, aínda sen crer moito nestas cousas, supoño que que menos que dar gracias a Del Moral, a Nacho de la Fuente @nafuente por que me incluíu na lista dos xornalistas a analizar, tamén digou eu que aos algoritmos, pero sobre todo a todos vós que interactuades en calquera das redes, que conseguides que alguén que escribe e comenta en galego na rede sexa escoitado, comentado, criticado, alabado e denostado. A seguirlle dando.

@dobracom

Créame o que lle digo

30 Domingo Mar 2014

Posted by in Matrix Press, Si home si

≈ 1 comentario

Etiquetas

, , , , , ,

En xaneiro de 1943, metidos de cheo na Segunda Guerra Mundial, o servicio secreto británico, o coñecido como MI5, tiña que argallar unha falsa explosión nunha falsa fábrica de armas para darlle credibilidade a un dobre axente, un antigo ladrón de caixas fortes chamado Eddie Chapman, que os alemáns chamaban Fritz, e os británicos, máis axeitadamente, Zigzag. A maiores de montar uns efectos especiais, os equipos do MI5 precisaban difundir unha noticia de prensa, tan ambigua como falsa, sobre unha “incidencia” –como lle chaman agora ás desfeitas- nunha factoría. Así que falaron co editor de The Times, Robert McGowan Barrington-Ward, para que colaborara. E resultou que non. The Times sería todo o conservador que se queira e Barrington-Ward un patriota redondo (de feito fora condecorado na Gran Guerra), pero o periódico non publicaría conscientemente unha noticia falsa. Afortunadamente para o futuro profesional de Fritz/Zigzag, outro si se mostrou disposto –The Daily Express-, aínda que soamente na edición internacional, que foi a que chegou a mans da Abwehr, o servicio de intelixencia alemá.

Seguir lendo →

Chinaleaks

07 Venres Feb 2014

Posted by in Matrix Press, Si home si

≈ Deixar un comentario

Etiquetas

, , , , , , , , ,

Algún día leak entrará no dicionario da RAE, non sei se así ou transformado en liq, ou lic, por moito que xa existan as palabras “fuga”, “filtración” ou “escape”. Entrará porque o español está ameazado polo catalán ou polo galego, pero non polo inglés, e a escusa para introducilo será que liq/lic significará a filtración ou revelación xornalística de algo que xa sabía todo o mundo, pero ata o momento, os que o dicían levaban unha manta de paus por dicilo, ou era considerados uns radicais, dependendo do sitio. O último liqs/lics (ou será liques?) é o Chinaleaks, e achega a gran novidade de que hai unha serie de parentes dos gobernantes chineses que teñen agachadas contas bancarias en paraísos fiscais, en concreto no Caribe.

Seguir lendo →

Pobres vergonzantes

20 Luns Xan 2014

Posted by in Matrix Press, Si home si, Uncategorized

≈ 3 Comentarios

Etiquetas

, , , ,

Ser ministro é máis duro do que parece. Vexan o caso do ministro Margallo, que é o de Exteriores, o noso comercial por eses mundos. O ministro Margallo (mM) acaba de pedir que non se emita o programa Entre todos pola canle internacional de TVE, porque prexudica a marca España. Por se non están moi ao tanto, Entre todos non é un concurso de empuxar coches entre varios, nin variante ningunha do fenómeno Entre costuras. É un deses chamados programas solidarios, que nos chama a remediar entre todos os problemas que non amaña quen os tiña que amañar cos cartos que todos lle damos. Seguir lendo →