Tag Archives: PSOE

E que morren os votantes

30 Sábado Mai 2015

Posted by in Res Publica, Si home si

≈ 1 comentario

Etiquetas

, , , , , , , , ,

Hai anos, no correspondente repaso poselectoral que facía, concello por concello e alcalde ou responsable político local por etc o daquela presidente do Deputación e do PP de Ourense, José Luis Baltar, mirou as contas dun deles –concello, alcalde ou responsable local- concreto, e pediu explicacións. O interpelado, medio avergoñado, medio cabreado, revolveuse: “É que me morren os votantes, presidente!” Alberto Núñez Feijóo botou man dos clásicos o outro día no comité de dirección do PPdeG para xustificar a derrota —“hostia-hostia”, segundo a definición da politóloga Rita Barberá— das candidaturas conservadoras o pasado domingo 24 de maio. Igual que para aquel alcaldiño ourensán, 186.000 votos e dúas deputacións menos teñen para o presidente do PP de Galicia explicación, en parte, porque neste catro anos morreron 100.000 censados.

Seguir lendo →

Advertisements

O estado das profesións

01 Venres Mar 2013

Posted by in Si home si

≈ 2 Comentarios

Etiquetas

, , , , , , , , , , , , , ,

Tal día por estas datas, noutras ocasións, estaríaos castigando coas miñas impresións de cómo transcorreu o debate do estado da nación, logo de obrigarme a velo, senón enteiro, polo menos nos momentos estelares. Este ano, sinceramente, paso. Non soamente pasei eu. Tamén pasaron vostedes. Nesta ocasión, a pesar de pratos fortes como a corrupción e a crise, o debate final Rajoy-Rubalcaba vírono algo máis de 400.000 espectadores, 150.000 menos que o de 2011 entre Zapatero-Rajoy. Lonxe quedan aquelas cifras de 2 millóns de xentes que viron o último debate Felipe González- Aznar, ou mesmo o millón e medio longo que viu Aznar contra Borrell.

Seguir lendo →

Xente estrafalaria

22 Venres Feb 2013

Posted by in Si home si

≈ 2 Comentarios

Etiquetas

, , , , , , ,

Entre as numerosas virtudes que atesoura Mariano Rajoy está, como bo señor de orde que é, a de ser previsible. O outro día considerou que fóra do bipartidismo, ou sexa que a maiores do seu partido e do outro, o que hai son partidos estrafalarios e minoritarios. Xente rara e pouco de fiar, que non vai a misa de doce ou que non é socia do casino. En definitiva, pasamos do vótenos que imos amañar España e facernos respectar no mundo, a vótenos a nós, ou aos contrarios, porque máis vale malo coñecido que estrafalario por coñecer. A verdade é que mirándoo friamente, estrafalarios hai tanto nos maioritarios como nos minoritarios. Seguir lendo →

Os cuñados da patria

21 Mércores Xul 2010

Posted by in Si home si

≈ 4 Comentarios

Etiquetas

, , , , ,

Permítanme un desafogo persoal. Cada estou máis desanimado cando me vexo na obriga moral de comentarlles cousas que considero que debe comentarlles. Falo dos debates parlamentarios cruciais e decisivos para o estado da nación ganadora da Copa Mundial de Fútbol. E aos protagonistas, pese a que no envite lles vai algo aínda máis que o soldo, tampouco é que se lles vexa moi animados, tal e como se comportan nel. Sinceramente, dos debates dos que levo falado –non vou ser tan hipócrita como para dicir que aturado- non vin outro tan comentado, e que tan decepcionados deixou aos que o seguiron.

Seguir lendo →

Os anos que vivimos estupendamente?

13 Domingo Xuñ 2010

Posted by in Si home si

≈ 5 Comentarios

Etiquetas

, , , , , , , , ,

Agora vai resultar que os vellos tiñan razón. Os vellos aqueles que rosmaban que este non era xeito de vivir, e que así non se podía seguir. Os líderes europeos véñenlle dar a razón a aqueles predicadores apocalípticos que deseñaban un futuro de lume e cinza para a economía. Winston Churchill advertiu no seu día á cidadanía que chegaban tempos de sangue, suor e lágrimas. O seu sucesor, David Cameron, prometeu o mesmo e aforrou unicamente o sangue. Vivimos por riba das nosas posibilidades todos, incluído eu, a pesar dos consellos paternos de nunca deixar a deber nin comprar a prazos. Vale. Pero despois de facer os sacrificios que nos piden e os que nos impoñen, alguén nos pode asegurar que xa está? Non vai pasar outra vez iso de que o incendio provocado porque a Macroeconomía andou xogando con lume acabe carbonizando a nosa Microeconomía? Temo que non.

Seguir lendo →

Eleccións?, que eleccións?

23 Sábado Mai 2009

Posted by in Res Publica, Si home si

≈ 2 Comentarios

Etiquetas

, , , , , , , , , , , , , ,

Non sei se repararon en que dentro de dúas semanas hai eleccións. Nesta ocasión os encargados do bombardeo de promesas non parecen estar pola labor, e parece que optaron por deixarnos tranquilos. Malo. Sobre todo porque, como dicía Paul Valery, a política é a arte de evitar que a xente se preocupe do que lle importa. E as eleccións europeas impórtannos polo menos o mesmo que as outras.

Seguir lendo →